احمد عمر سالم

التخصص

تغذية وتخسيس

عن الدكتور

لو عايز تتابع مع دكتور احمد عمر فيديو كول من اي بلد في العالم، احجز اليوم والميعاد اللي يناسبوك وفي معاد الزياره د. احمد هيقابلك فيديو كول ويتابع معاك لحد متوصل لهدفك انشاء الله. ولو حابب تعرف اكتر عن د. احمد عمر، فاحنا سالنا د. احمد عن سر نجاحة في مئات الاف قصص خسسان خلال 17 سنة؟ "وانا صغير كنت طفل تخين ومش مبسوط من الموضوع واخواتي كانو دكاترة تخسيس... لما خسيت، لاقيت ان ايه ده! التخين ممكن يكون رفيع!!,, من ساعتها تحولت لماكينة تخسيس ... عايز اخسس الناس " حد من كتر ما غيرت في حياته...مش قادر تنساه؟ " لا كتير!!...الناس اللي سافرت عشان تخس ومعرفتش تخس وجم عندي خسوا، اللي مبيسجدوش وعرفوا يسجدوا لما خسوا، اللي فقدت حلم انها تبقي ام عشان عندها تكيسات على المبايض بسبب التخن...وخست وبقت حامل اللي مكانتش عارفة تبقى ام وبقت ام ده بالنسبالي انا اخدت مليون دولار شيك! اللي مكانش بيمشي ومشي.....لا كتييييير" ليه شغلانة التخسيس؟ "شغلانة التخسيس شغلانة ممتعة..بتاخد اجرك في الدنيا فلوس، وفي الاخرة مساعدة ناس!... وبتاخد نتايج شغلك وقتي ..دعاء الناس اللي خست!...شغلانة نعمة بفضل الله عليا " هو لو انا كل مابتدي دايت اقع ده طبيعي ولا انا كد خلاص فشلت؟ "يعني ايه فشل؟؟ فشل انك مبتصبرش؟...ماكلنا مبنصبرش! لازم تقع، مفيش شخص بيجبها من تخين لرفيع نفس واحد!، اللي بيحدد مين هيبقى رفيع وميت هيتخن تاني لحظة الوقوع، انك لما تقع تقوم وتنضف هدومك وتتصالح مع نفسك وتكمل، شايف حلمك" لو في نصيحة واحدة تقولها للناس عشان تخس.. ايه هي؟ "لا تلوم نفسك بالفشل اين كان اللي انت عملته...دائما متصالح مع نفسك ان ربنا سبحانه وتعالى رايدلك حاجة انت هتشوفها...انت كل ما عليك انك تسعى وتاخد بالاسباب ......فقط!" دكتور احمد فتح عيادات في الهرم المهندسين والشيخ زايد، وبعدين اطلب منه يفتح في اكتر من مكان واكتر من بلد، فقرر انه يفتح عياده اونلاين عشان يقابل عملاؤه فيديو كول من اي مكان في العالم ملحوظة: دكتور احمد عمر بيقابلك في اسبوع والمساعد في اسبوع، ودكتور احمد بيقابلك الاسبوع اللي بعده وهكذا عشان نتأكد انك بتاخد متابعة اسبوعية لحد متوصل لهدفك